472. Nje Kugushima

### 472 Nje Kugushima

1
Nje kugushima Mwami Mana,
Nkuzaniy'ishimwe ryanjye;
N'ubw'umwijima wabudika,
Wow'uramboneshereza.
Wangiz'umwana wawe Mana,
Unyitaho buri munsi;
Ni wowe soko y'imigisha,
Ngushimiy'imigish'umpa.

2
Ngushimira k'uhor'undinda,
N'ukuboko kwawe Mana.
Iy'umutim'ucits'intege,
Unsubizamw'imbaraga;
Iyo nabuze kivurira,
Undwanah'ukanduhura;
Dor'ukuboko kw'Uwiteka,
Ntikwananiwe gukiza.

3
Ngushimiy'impuhw'ungirira,
Unkurahw'ibicumuro.
Iy'utambabarir'ibyaha,
Nari guhungira he se?
Data ntabwo nzagutenguha,
Warankijije ndakira.
Mu maraso y'Umwami Yesu,
Ni ho mboner'agakiza.

4
Nzi neza rwos'uwo nizeye,
Ni we umboneshereza;
Ni we Gitare kinkingira,
Ni we byiringiro byanjye;
Kabone n'ubwo nacogozwa,
Ntazabura kunyitaho.
Yampay'ubugingo bw'iteka,
Nzajya mushimir'iteka.