161. Eena Le ’Na.

Ke na le motsoalle oa bohlokoa, ea ratoang.
O nthata ka bots’epehi, nke ke ka mo lahla.
Ke mo rata a be haufi, re tle re tsamae,
Le ho lula hammoho Eena le ’na.

Ha ke fela ke tennoe, ’nkutloele bohloko;
Ha A re ke its’etlehe, A thaba ho nthusa,
O ntsamaisa tseleng e tletseng khalalelo,
Re qoqa hammoho Eena le ’na.

Ke mo joetsa ka ts’oabo, le ka eona thabo;
Le ka tse tla nthabisang, Le ka tse nkhopisang,
O mpolella ho ts’oanelang,hore ke leke joang;
Re tla sebetsa ’moho Eena le ’na.

O tseba, ke ea rata, ho sokolla e mong;
O re ke tsamae ho bua ka Eena bathong,
Le ka rato le makatsang, la ha A re shoetse.
’Me re tsamae hammoho Eena le ’na.