136. Jesu Riu Niaretana (NZK 107)

**

**1.
Jesũ rĩu nĩaretana, “Nũ ũkũndeithia wĩra?”
Magetha rĩu nĩ maingi, Nũ ũgũthiĩ kũũngania,
Igua kayũ nĩaretana, nĩũrĩheo kĩheo,
Nũ ũkũmũcokeria oige, “Mwathani nĩ niĩ ngũthiĩ.”

**2.
ũngĩaga kũringa iria, waaga gũthiĩ kũraya,
Ruta wĩra kũũ kwanyu, kũũ itũũra-inĩ rĩanyu.
Waaga kwaria ta araika, kana hihi Paulo,
Onia andũ wendo wa Jesũ, Meere nĩamakuĩrĩire.

**3.
Waaga kũheo gĩtĩyo, ũngĩaga gũtũgĩrio,
Ta andũ arĩa maheeto wĩra, Monagie andũ njĩra;
Wahota kũhoya mũno, na ũtanahe mũno,
Tuĩka ta Harũni mwega, nĩateithĩrĩiria Musa.

**4.
Rĩrĩa Mwathani aragwĩta andũ no marathira,
Ndũkamũcokerie uuge, “Ndirĩ ũndũ ingihota”
Nyita wĩra na gĩkeno, kenera wĩra wake,
Agwĩta wĩtĩke narua, “Ndĩ haha Jesũ ndũma.”